മോഹൻലാലിനൊപ്പം ബ്ലോക്ക് ബസ്റ്റർ ചിത്രമായ ലൂസിഫറിലൂടെ മലയാളത്തിൽ എത്തിയ ബോളിബുഡ് താരമാണ് വിവേക് ഒബ്റോയി.
സിനിമക്കൊപ്പം മോഹൻലാലിൻ്റെ വില്ലനെയും ആരാധകർ ഏറ്റെടുക്കുകയും ചെയ്തു. ലൂസിഫറിലൂടെ വനിതാ ഫിലിം അവാര്‍ഡ് കരസ്ഥമാക്കി, അത് സ്വീകരിക്കാന്‍ എത്തിയ വിവേക് ഒബ്റോയി മമ്മൂട്ടിയെ കുറിച്ച്‌ പറഞ്ഞ വാക്കുകൾ ആരാധകർ ഇപ്പോൾ ഏറ്റെടുത്തിരിക്കുകയാണ്.
ഹൈദരാബാദിൽ വച്ച് മുൻപ് മമ്മൂട്ടിയെ കണ്ട അനുഭവമാണ് അവർഡ് വേദിയിൽ വിവേക് ഒബ്റോയി ഷെയർ ചെയ്തത്. ഹൈദെരാബാദിൽ ഒരു ഷൂട്ടിനായി എത്തിയപ്പോഴാണ് മമ്മൂട്ടിയെ കണ്ടത് എന്ന് വിവേക് ഒബ്രോയ് പറയുന്നു.
‘ഹൈദരാബാദിൽ ഒരു ഷൂട്ടിനായി എത്തിയപ്പോൾ ജിമ്മിൽ വച്ചാണ് മമ്മൂട്ടിയെ കണ്ടത്. അദ്ദേഹവും ഒരു സിനിമയുടെ ചിത്രീകരണത്തിനായാണ് അവിടെ എത്തിയത്.
തന്നേക്കാൾ കൂടുതൽ സമയം ജിമ്മിൽ വർക്കൗട്ട് ചെയ്യുന്ന ചെറുപ്പക്കാരൻ ആരാണെന്ന് നോക്കിയപ്പോഴാണ് മമ്മൂക്കയെ കണ്ടത്. ഈ പ്രായത്തിലും ഇത്രയും കഠിനമായി വർക്കൗട്ട് ചെയ്യാൻ എങ്ങനെ സാധിക്കുന്നു’ എന്നായിരുന്നു വിവേക് ഒബ്രോയ്‌യുടെ ചോദ്യം.
